منتدى برامج كريزي

منتدى برامج كريزي

منتدى برامج كريزي-الاحترام هو اساس تعاملنا والانتماء شعارنا


    احلم , بس من غير ما تنام !!

    شاطر

    *semsama*
    نائبه الرئيس
    نائبه الرئيس

    انثى
    الابراج : الاسد
    عدد الرسائل : 2035
    العمر : 27
    تاريخ التسجيل : 17/08/2008
    نقاط : 1416
    السٌّمعَة : 15
    الاوسمه : التميز الاداري

    احلم , بس من غير ما تنام !!

    مُساهمة من طرف *semsama* في 17.09.08 4:57

    انا حابب ابدأ البدايه دي شوية امثال ( على أد لحافك مد رجليك! )( اللي يبص لفوق يتعب !)(احلم على قدك !)دايما نسمع الأمثال دي في حياتنا .. لكن حد مننا فكر فيها قبل كده ؟؟هل كل حاجه بنسمعها تبقى صح ؟؟ هل كل حاجه اتعودنا على سماعها , لازم نصدقها ؟طيب .. عايزين نتكلم في الموضوع ده شوية و ندردش مع بعض...إستراتيجية تحقيق الأهدافعشان تحقق هدفك لازم يكون ليك حلم.. لازم الحلم ده بيكون هو الوقود اللي بيحركك و بيديك الدوافع انك ماتيأسش..ايه مواصفات الحلم ده ؟القاعدة المهمة هنا هي :ماتحطش سقف لأحلامك !!احلم براحتك... خليك طموح.. خليك متطلع.. لو حلمك صغير هاتفضل صغير.. لو حلمك كبير و مؤمن بيه ..يبقى لازم هاتحققه و تكون كبير...- أحكي لكم قصة ؟ كان فيه ولد في مدرسة دسوق الإعدادية إسمه أحمد حسن.. كان مؤمن بحلم.. هو إنه يكون عالم كبير و يحقق اكتشافات علمية تسجل عالميا باسمه !!شايف الحلم ده كبير ازاي ؟ الولد ده فضل مؤمن بحلمه و مايئسش من الظروف ....استطاع (أحمد حسن زويل ) يحصل على جائزة نوبل في الفيزياء و يكون واحد من أعظم العلماء في التاريخ...- توماس إديسون كان بيحلم انه يخترع حاجه تنور بالكهرباء من غير وقود.. و عمل 999 تجربة فاشلة لحد ما الناس سخروا منه و من حلمه .. دلوقتي اللمبة في كل بيت..- بيل جيتس كان حلمه ان الكمبيوتر يكون في كل بيت.. الناس سخروا منه و من حلمه .. دلوقتي بقى فيه حاجه اسمها الكمبيوتر الشخصي ولولا حلمه ده مكنتش عرفت اكتبلكم او اقرالكم حاجهشكرا على حلمك يا بيل جيتس !!- هي إيه الحكاية ؟؟ عايز تقول إيه ؟الحكاية يا سيدي كالتالي :الحكاية إن الباحثين درسوا سلوك الناجحين في جميع المجالات .. اكتشفوا إن كل واحد فيهم كان له حلم إيجابي كبير و كان مؤمن بيه جدا لدرجة إنه ما التفتش لكلام الناس إللي حاولوا يحبطوه...الحلم ده لازم يكون إيجابي و هدفه نبيل.. رسالة بيحملها الشخص ده و بيحاول يحققها...( لو استطاع أي شخص أن يحقق شيء ما.. ففي إمكانك أن تحققه!)... كلمة لريتشارد باندلر.يبقى إياك تحط سقف لحلمك .. إياك تيأس .. خلي إيمانك بحلمك الإيجابي هو القوة اللي بتخليك تتخطى أي عقبة..خلي إيمانك بحلمك قوي لدرجة إنك تقف و تتخطى أي صدمة.. لأنك مؤمن تماما إنك هاتوصل لهدفك في النهاية...( كل الناس لديهم من الخبرات التي تؤهلهم لتحقيق تغيير إيجابي في حياتهم )... كلمة لريتشارد باندلر.الأمثال القديمة اللي قلناها في أول الموضوع إياك تعمل بيها .. لو كانت تنفع زمان يبقى أكيد ماتنفعش في العصر اللي احنا فيه ده .. كل شيء ممكن طالما عندك هدف نبيل و حلم عايز تحققه..خلي الأمثال للي فوق كالتالي :( على أد لحافك مد رجليك! )حوله إلى : ( جيب لحاف على أد رجليك !!)و المثل الخاطئ اللي بيقول :( اللي يبص لفوق يتعب !)حوله إلى : ( إللي يبص لفوق , هايوصل فوق !!)و الجملة اللي بتقول :(احلم على قدك !)خليها :( ماتحطش سقف لأحلامك !!)الحلم الكبير هو اللي بيصنع نجاحك.. احلم براحتك و تخطى كل الظروف و لازم تؤمن انك هاتحقق حلمك ده.. لو حلم إيجابي و يمكن تحقيقه , يبقى أكيد أكيد هاتعرف تحققه .. مفيهاش كلام...بتحلم بإيه دلوقتي ؟؟؟إذن , إبدأ حالا على تحقيقه !
    __________________

      الوقت/التاريخ الآن هو 02.12.16 22:22