منتدى برامج كريزي

منتدى برامج كريزي

منتدى برامج كريزي-الاحترام هو اساس تعاملنا والانتماء شعارنا


    يوميات شكري الحساس ( الجزء الأول)

    شاطر

    *semsama*
    نائبه الرئيس
    نائبه الرئيس

    انثى
    الابراج : الاسد
    عدد الرسائل : 2035
    العمر : 27
    تاريخ التسجيل : 17/08/2008
    نقاط : 1416
    السٌّمعَة : 15
    الاوسمه : التميز الاداري

    يوميات شكري الحساس ( الجزء الأول)

    مُساهمة من طرف *semsama* في 02.10.08 21:23

    [size=29]الجزء الأول

    يوميات شكري في الجامعة

    المكان / جامعة القاهرة , كلية تجارة
    الزمان / أول يوم في الكلية



    أمام الكلية

    شكري الحساس :
    أيه دا هي دي الجامعة دي سورها عالي قوي الواحد كدا مش هايعرف يكت من الحصص المدرسة أرحم وكمان في شورطة ( أخرة التعليم المجاني بيقول شورطة مش شرطة )
    يا نهار أبيض لو أتقفشت هاخد ضرب ومش بعيد يقلبوني بقى
    يارب عديها على خير

    وياترى بقى المدرسيين والأبلوات زي بتوع المدرسة ولا أخنق ( حلوه أبلوات )
    هايطلعوا زي أستاذ علي بكاكا ولا أستاذ سيد حابه
    وهايطلبوا مننا كام كشكول مش هاجيب
    ولو جبت مش هاجيب جلاد مش بحب الجلاد الأحمر دا ( فعلا طالب جامعي)

    يلا هانعرف يا خبر بفلوس بعد شويه هايبقى بسندوتيش طعمية

    أمام الكلية
    يا نهار أبيض دي كلها مباني كبير أمال فين الفصول
    دي أد المدرسة بتاعتنا وبيت أم مديحة وعزبة أبو محمد الي جنب المدرسة

    شكري الحساس : لو سمحت يا أبو شباب
    طلعت : نعم في حاجه ولا أيه
    شكري الحساس : مالك مخشب كدا خليه حلو علشان أحبك . بقلك هو فين جدول الحصص
    طلعت : جدول حصص قصدك جدول المحاضرات
    شكري الحساس: محاضرات هي أسمها محاضرات ماشي يلا مش هاتفرق سوسو من أم ابراهيم

    طلعت : هو حسب المجموعة كل المجموعات هناك عند مدرج أ

    شكري الحساس: منا مش عارف مجموعة أيه ومدرج أيه هو المبنى أسمه المدرج هي باينه من أولها

    طلعت : أسمك أيه
    شكري الحساس : أخوك شكري شاكر مشكور
    طلعت: يبقى مجموعة ح هتلاقي الجدول هناك بردو
    شكري الحساس : شكري يا مان نخدمك كدا يوم فرحك

    عند المدرج (أ)

    شكري الحساس: الله يكرمك يا مان واحد جدول أولى ح بس يكون كدا بالشطة وياريت تكتر التحينه (واقف عند محل فول وطعمية لا وأسمها تحينه )

    يا نهار أبيض أيه دا 4 أيام بس طيب كويس ونكت يومين يبقى كدا قشطاط بالفيروز وعيشه سبانخ (مش عارف واقف في مطبخ) كلوا في الدهاليز

    يلا نلحق ندخل ونشوف أيه النظام
    يااااا ايه دا كله الناس كتير قوي ولا مدرسة أبو قتادة ياعم


    شكري الحساس : ممكن تدخل شويه يا مان
    فوزي : حاضر
    شكري الحساس : بقلك أيه أستاذ مين الي جي دلوقتي
    فوزي : مش أسمه أستاذ أسمه دكتور ( محمد غريب)
    شكري الحساس : ما غريب إلا الشوشو . شكلك لذيذ يا مان أسمك أيه
    فوزي : أسمي فوزي
    شكري الحساس: طيب يا فوزا بقلك أيه قول للأنسة الي جنبك تدخل شويه على كدا أنا في الحضيض وهاقع

    شكري الحساس: يا عثل بقلك أيه أدخلي شويه كدا ينوبك ثواب الله يكرمك
    نجوى : عثل أيه ما تحترم نفسك على الصبح
    شكري الحساس: حد جيه جنبك وبعد كدا خليك زبده كدا وأدخلي يعني مش أول يوم شغل بتوع المدارس ( قال يعني هو شكله جامعي وعارف كله حاجه)

    أثناء المحاضرة

    شكري الحساس: يا بس بس يا بس ( قاعده جنبه قطه ولا أيه )
    نجوى :حضرتك بتقلي بس
    شكري الحساس: أه يعني نقول عثل مش نافع بس مش نافع أعمل أيه في زماره أزمر بيها يعني

    نجوى: هي ناقصه أستظراف على الصبح . حضرتك عايز أيه
    شكري الحساس : ورق وقلم . وكامن ياريت تحسني خطك علشان أعرف أنقل منك
    نجوى : أيه ياربي التناحه الي في أول يوم صبرني . أتفضل الورقه والقلم . وياريت حضرتك تسكت علشان أعرف أكتب
    شكري الحساس : متزقيش طيب هاتزلينا علشان الورقه خد ي تمنهم
    بقلك أيه يا أنثه
    ( تعليم مجاني)
    هو الدكتور دا يعني بيدي ماده أيه
    نجوى : دا كله مش تعرف بيدي أيه , محاسبة حضرتك وممكن أكتب
    شكري الحساس: طيب خلاص براحه ( العالم دي معندهاش دم بردو مش راضي يسكت )

    بعد المحاضرة

    شكري الحساس: بقلك أيه ممكن بس أكمل باقي المحاضرة
    نجوى : أتفضل
    شكري الحساس: يارب منحرم منك ويكرمك دنيا واخره وينولك الي في بالك ( قاعد على باب السيدة )
    نجوى : مرسي
    شكري الحساس: معرفيش مرسي ممكن عباس أخوه دا صحبي الروح بالروح
    نجوى : الله ما طولك يا روح
    مالك كدا قرفانه مني لو مش عايزاني اكتب خلاص هاكتب
    ( أيه الرخامه دي )
    بقلك أيه مش هانتعرف بقى أنا شكري شاكر وحضرتك

    نجوى : ياريت حضرتك تكتب علشان عايزه كشكول المحاضرات ( كسفه جامده بس الناس دي مش بيحوق فيها حاجه )

    شكري الحساس: أهلا وسهلا أسم حضرتك جميل عاشت الأسامي بس ياريت تحسني خطك شويه علشان بعد كدا أعرف أنقل منك (معندوش دم دا ولا أيه )
    نجوى : صبرني يارب على ما بلتني على الصبح
    شكري الحساس: شكلك اجتماعية وبتحبي الناس وخدومه ولسه لما أعرفك أكتر أكيد هاغير رأي للأحسن

    أتفضلي الكشكول يارب ما أنحرم منك
    هاشوفك بكره أن شاء الله في المحاضرة أبقى أحجزلي مكان جنبك

    نجوى : بعد اذن حضرتك
    شكري الحساس : سلام يا تميل ( مش جميل ) أشوفك بكره سلامشكوه ( دا على اساس سلام شكري بيدلع نفسه شكوه )

    يارب تعجبكمـ

    أنتظرونـــــــــــــــــــا مع يوميات شكري الحساس
    [/size]

    Ahmed Aly14
    مشرف قسم الرياضه
    مشرف قسم الرياضه

    ذكر
    الابراج : الثور
    عدد الرسائل : 632
    العمر : 27
    تاريخ التسجيل : 25/08/2008
    نقاط : 72
    السٌّمعَة : 0

    رد: يوميات شكري الحساس ( الجزء الأول)

    مُساهمة من طرف Ahmed Aly14 في 02.10.08 22:19

    والله واد زي العتل








    MUNNY
    مدير القسم الخاص بالاعضاء
    مدير القسم الخاص بالاعضاء

    انثى
    الابراج : الدلو
    عدد الرسائل : 1660
    العمر : 25
    تاريخ التسجيل : 17/09/2008
    نقاط : 745
    السٌّمعَة : 5

    رد: يوميات شكري الحساس ( الجزء الأول)

    مُساهمة من طرف MUNNY في 15.10.08 12:25

    ميه ميه الواد شكرى ده
    فنانة ياسمسم انتى والله

    احمد نور
    مدير قسم الصور
    مدير قسم الصور

    ذكر
    الابراج : السمك
    عدد الرسائل : 3486
    العمر : 26
    تاريخ التسجيل : 20/08/2008
    نقاط : 978
    السٌّمعَة : 13
    الاوسمه : الاول

    رد: يوميات شكري الحساس ( الجزء الأول)

    مُساهمة من طرف احمد نور في 15.10.08 17:02

    واحد اسمو شكرى شاكر مشكور
    مستنين منو ايه
    ؟؟؟؟
    بس واد زى الفل

      الوقت/التاريخ الآن هو 28.09.16 7:56