منتدى برامج كريزي

منتدى برامج كريزي

منتدى برامج كريزي-الاحترام هو اساس تعاملنا والانتماء شعارنا


    قصة جامدة بجد

    شاطر

    SOMA
    vip

    انثى
    الابراج : الحمل
    عدد الرسائل : 1307
    العمر : 29
    تاريخ التسجيل : 26/07/2008
    نقاط : 157
    السٌّمعَة : 3
    الاوسمه : وسام الابداع

    قصة جامدة بجد

    مُساهمة من طرف SOMA في 04.11.08 5:54

    القصه ديه منقول من لسان شااااااااب مصري


    العفش بينزل من على عربية النقل...

    و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـي؟
    قالتلى اه يا حبيبى دى الشقة اللى قصادنا
    قلتلها ويا ترى عرسان جداد ولا عيلة وبتعزل؟
    قالتلى والله يابنى مانا عارفة
    قلتلها طيب.. يا خبر انهارده بفلوس.. بكرة يبقى بفلوس اكتر..

    و بعد أسبوع......
    أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
    قلتلها يا شيـــــخة!
    قالتلى: اه.. مرات الراجل عدت عليا انهارده وسلمت عليا وعرفتنى بيهم
    قلتلها: ايــه بقى عرسان جداد؟؟
    قالتلى لا دول أسرة.. عندهم ولدين وبنت
    قلتلها خير.. خير.. (والشر بيبظ من عينيا)

    و أثناء الحديث الشيق ده..
    طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
    و بعدين طلع ولد صغير ابتسم لنا اول ما شافنا....
    أصل البلكونة فى وش البلكونة ... بس باين عليهم ناس طيبين اوى...
    المهم.. الأم ندهت لبنتها...
    الحقيقة انا كنت أول مرة فى حياتى أسمع الاسم اللى هى ندهت به..
    أول مرة أعرف ان فى بنت اسمها كده أصلا...

    الام بتنده: يــــــا روفيدة (على وزن بثينة , بضم الراء يعنى)
    اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
    و طلعت روفيدة من ورا الستارة فـى حركة Slow Motion من بتاعة الافلام..
    و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
    مش قادر ارفع عينى من عليها.. مينفعش ارفع عينى من عليها اصلا...
    فضلت متنح لحد ما شافتنا انا وامى..
    لما شافت امى ابتسمت لها..

    و لما شافتنى زى ما تكون شافت عفريت ودخلت على جوة جرى...


    و تمر الأيام..
    و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
    ساعة ما الاقيها واقفة.. اطلع البلكونة..
    مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
    او بلعب عشر ضغط.. اى تلكيكة والسلام
    الغريب انها كانت فى الاول لما تشوفنى تروح داخلة جرى على جوة..
    لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
    بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
    واقف بالساعات مدام روفيدة واقفة... ارمى نظرة.. ابتسامة.. أشاور
    و كانت هى بتكتفى بالابتسام وعلامات الخجل...

    و ف يوم من ذوات الايام..
    بشاورلها.. شاورتلى
    بقيت هطير م الفرحة.. روفيده شاورتلى يا جدعان...
    قعدت اطنطط ع السقف وأغنى وحياة قلبى وأفراحه..
    و هبا إيـه هبا أاه.. إن شاء الله هنظبط
    امتى بقى اتكلم معاها ونهظر سوا...

    لحد ما جه اليوم...
    انا راجع م الكلية.. وعلى اول الشارع شفت أمى واقفة مع مامت روفيده..
    و المفاجاة: روفيده واقفة معاهم
    لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
    لحد ما بقيت عندهم.. عرقان طبعا وبنهج وحالتى حالة...
    نزلت عليهم زى الباراشوط..
    ازيك ياماما.. ازيك يا طنط عاملين ايه...
    و بصيت لرٌفيدة.. كانت بصالى وبتضحك..
    كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
    قلتلها: ازيك يا روفيده؟!
    و كان رد فعلها غير متوقع بالمررررة... كان صدمة حقيقية بالنسبة لى..
    لقيتها بتمد ايديها وبتسلم عليا...
    و بتقولى: الحمد لله.. ازيك انت؟؟!
    رحت مسلم عليها....
    و قلتلها: الله يسلم قلبك يا روح قلبى..
    و رحت بايس ايديها....
    و رحت شايلها...........
    و قلتلها: انتى عندك كام سنة بقى؟؟








    قالتلى عندى 3 سنين


    رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
    و من يومها وانا وروفيده اصحاب... كل ما تطلع البلكونه نلعب ونهزر مع بعض





    .











    --------------------
    تم تقليل : 85% من الحجم الأصلي للصورة[ 600 x 451 ] - إضغط هنا لعرض الصورة بحجمها الأصلي

    nonamooor
    مديرة قسم الابداع والادب
    مديرة قسم الابداع والادب

    انثى
    الابراج : القوس
    عدد الرسائل : 1559
    العمر : 26
    تاريخ التسجيل : 19/08/2008
    نقاط : 245
    السٌّمعَة : 4

    رد: قصة جامدة بجد

    مُساهمة من طرف nonamooor في 04.11.08 13:22

    ههههههههههههههه
    جميلة جدااااااااااااااااا








    sama
    مديره القسم العلمي
    مديره القسم العلمي

    انثى
    الابراج : السمك
    عدد الرسائل : 1411
    العمر : 26
    تاريخ التسجيل : 29/08/2008
    نقاط : 623
    السٌّمعَة : 0

    رد: قصة جامدة بجد

    مُساهمة من طرف sama في 04.11.08 14:53

    ههههههههههههههههههههههههههههههههه
    عسل والله عسل
    ايه الجمال ده
    لا بجد ضحكتنى اوى








    roza
    vip

    انثى
    الابراج : الميزان
    عدد الرسائل : 506
    العمر : 32
    تاريخ التسجيل : 19/10/2008
    نقاط : 87
    السٌّمعَة : 3

    رد: قصة جامدة بجد

    مُساهمة من طرف roza في 04.11.08 18:54

    دي مش قصه دي لعبه بس بجد حلوه ودخلت عليا
    :سلمت:

    *semsama*
    نائبه الرئيس
    نائبه الرئيس

    انثى
    الابراج : الاسد
    عدد الرسائل : 2035
    العمر : 27
    تاريخ التسجيل : 17/08/2008
    نقاط : 1416
    السٌّمعَة : 15
    الاوسمه : التميز الاداري

    رد: قصة جامدة بجد

    مُساهمة من طرف *semsama* في 04.11.08 19:00

    الله عسوله اووووووووووووووي

    حلوه الاشتغاله ديه

    احمد نور
    مدير قسم الصور
    مدير قسم الصور

    ذكر
    الابراج : السمك
    عدد الرسائل : 3486
    العمر : 26
    تاريخ التسجيل : 20/08/2008
    نقاط : 978
    السٌّمعَة : 13
    الاوسمه : الاول

    رد: قصة جامدة بجد

    مُساهمة من طرف احمد نور في 05.11.08 10:24

    ههههههههههههههههههههه
    حلوه اوى
    :سلمت:








    نور محمد
    عضو فعال
    عضو فعال

    ذكر
    الابراج : الدلو
    عدد الرسائل : 165
    العمر : 26
    تاريخ التسجيل : 16/10/2008
    نقاط : 1
    السٌّمعَة : 1

    رد: قصة جامدة بجد

    مُساهمة من طرف نور محمد في 05.11.08 20:25

    انا كنت هرد اقولك
    دة فشار بشكل
    بس لعبة حلوة ومضحكة

      الوقت/التاريخ الآن هو 30.09.16 11:09