منتدى برامج كريزي

منتدى برامج كريزي

منتدى برامج كريزي-الاحترام هو اساس تعاملنا والانتماء شعارنا


    كارثة فى بورسعيد يا مصر ...

    شاطر

    صبا
    مدير القسم الاسلامي
    مدير القسم الاسلامي

    انثى
    الابراج : الجوزاء
    عدد الرسائل : 1060
    العمر : 29
    تاريخ التسجيل : 14/03/2009
    نقاط : 1615
    السٌّمعَة : 16

    عاجل كارثة فى بورسعيد يا مصر ...

    مُساهمة من طرف صبا في 31.05.09 1:36

    المكان


    بلدة اسمها زنزارة فى بورسعيد .


    الزمان


    لسه دلوقتى شايفاه بس واضح انه من زمااان .



    المشهد الأول :
    عشش مافيهاش غير
    المجارى الطافحة وأسر بسيطة .


    المشهد التانى :
    زبالة وحواليها كلاب وفيران وثعابين كمان والله وشفت بعينى .



    المشهد التالت :
    أطفال بتلعب عند الزبالة والمجارى الطافحة وبنت وقعت فى
    المجارى ولحقوها الحمد لله .


    المشهد الرابع :
    الفيران بتعض الأطفال وبتاكل شعرهم وكمان تخطف أكلهم
    ويرجعوا الناس ياعينى يكملوا أكلهم بعد الفيران عشان يدوبك بيلاقوا خمس أرغفة
    .بالعافية



    المشهد الخامس :
    مرضى بيتعذبوا كل يوم من رائحة المجارى أصل مفيش صرف
    عندهم .



    المشهد السادس :
    بلطجية من الناس اللى عايشة فيها دخلوا على أم وبنتها
    ساكنين فى عشة وكانوا عايزين البنت اللى
    على وش جواز وتصرخ الأم ويلحقها الناس الحمد لله .



    المشهد السابع :
    بنت صغيرة زى القمر عينيها ضاعت بسكينة بسبب خناقة بلطجية مع بعضهم .



    المشهد الثامن :
    امرأة زوجها مات شهيد وعلى لسانها بتقول " بعد ما
    كنا بنحارب العدو فى بيتنا يتعمل فينا كده
    "
    ملحوظه ( بنتها أم لطفلتين ودخل عليها بلطجية فى العشة
    وبقت تصرخ لحد ما جالها صرع ودكتور ابن
    حلال يعالجها ببلاش 3 مرات فى الأسبوع بس
    الدواء بقى زى مانتو عارفين كده هتجيبوا
    منين ) .




    المشهد التاسع :
    مفيش ميه مفيش غير حنفية عمومية واحدة الناس كلها هناك
    بتاخد منها وكمان جنب المجارى




    المشهد العاشر :
    عشان يدخلوا كهرباء خدوا من العمارات الجديدة اللى جنبهم
    ( واللى فاضية ) ووصلوا أسلاك للكهرباء عشان يشوفوا



    المشهد الحادى عشر :
    الأسلاك بتعمل ماس كهربائى وحرايق متعددة فى كذا
    عشة والمطافى تيجى كذا مرة .



    المشهد الثانى عشر :
    الناس بعد ما بتحرقوا مش بيلاقوا علاج كمان



    المشهد الثالث عشر :
    مطلوب منهم رشاوى عشان بتوع الابحاث عشان ياخدوا شقق.



    المشهد الرابع عشر :
    عمارات جيدة جنبهم بالظبط وفاضية



    المشهد الخامس عشر :
    محافظ بورسعيد لما بتتحرق لحد عشة بيديهم 100 جنيه أو
    300 مش سمعت أوى ويقوله أبنى عشة تانية بدل ما يديله شقة من اللى مبنيين وده حق
    الناس وكمان يديله يجيب بطانية




    المشهد الأخير :
    الناس لما بيروحوا يشتكوا للمحافظ المخبرين بيضربوهم
    ويبهدلوهم أكتر ماهما متبهدلين






    أيــــــــــــــــه بقى اللى عملوا المحافظ !!!!!!








    وكمان برضه احنا


    احنا مش شايفين ، ولو شوفنا مش المفروض اننا مسلمين بنساعد بعض ونقف جنب بعض ايه اللى ممكن نعمله ..!!





    ده اللى شفته فى برنامج واحد من الناس للاستاذ عمرو
    الليثى وحبيت أنقله ليكم


    وأحب أقول اخر كلمة قالها


    " حسبى الله ونعم الوكيل "





    ومن عندى بقول أستغفر الله العظيم .


    يارب يسامحنا




    كلمة أخيرة
    هل نوعية المواضيع دى كويس نحطها هنا ولا بلاش أحسن



    والسلام عليكم ورحمة الله وبركاته .

    احمد نور
    مدير قسم الصور
    مدير قسم الصور

    ذكر
    الابراج : السمك
    عدد الرسائل : 3486
    العمر : 26
    تاريخ التسجيل : 20/08/2008
    نقاط : 978
    السٌّمعَة : 13
    الاوسمه : الاول

    عاجل رد: كارثة فى بورسعيد يا مصر ...

    مُساهمة من طرف احمد نور في 31.05.09 3:35

    فعلا موضوع مؤلم للغايه
    بس للأسف هيا دى فعلا الحقيقه
    ومش فى بور سعيد بس
    دى موجوده فى اماكن كتير جدا جدا
    وللأسف ان نفس اللى بيحصل فى المكان ده
    بيحصل فى كل الاماكن اللى زيه
    ومحدش بيعمل حاجه
    ربنا يتولاهم برحمته بقا
    وفعلا احسن حاجه نقلها
    - حسبى الله ونعم الوكيل -








    صبا
    مدير القسم الاسلامي
    مدير القسم الاسلامي

    انثى
    الابراج : الجوزاء
    عدد الرسائل : 1060
    العمر : 29
    تاريخ التسجيل : 14/03/2009
    نقاط : 1615
    السٌّمعَة : 16

    عاجل رد: كارثة فى بورسعيد يا مصر ...

    مُساهمة من طرف صبا في 31.05.09 14:07



    بعتذر لو الموضوع صعب
    هوا ده فعلا الواقع



    ']']']']

    medoboka
    عضو فعال
    عضو فعال

    ذكر
    الابراج : الحمل
    عدد الرسائل : 184
    العمر : 23
    تاريخ التسجيل : 14/02/2009
    نقاط : 127
    السٌّمعَة : 0

    عاجل رد: كارثة فى بورسعيد يا مصر ...

    مُساهمة من طرف medoboka في 01.06.09 13:54

    :2281989:

      الوقت/التاريخ الآن هو 07.12.16 4:32