منتدى برامج كريزي

منتدى برامج كريزي

منتدى برامج كريزي-الاحترام هو اساس تعاملنا والانتماء شعارنا


    شوية نكت ع الماشي انا مش مسؤل عن قلبك

    شاطر

    م/اسلام
    رئيس المنتدى
    رئيس المنتدى

    ذكر
    الابراج : الحمل
    عدد الرسائل : 1835
    العمر : 28
    تاريخ التسجيل : 29/08/2007
    نقاط : 1606
    السٌّمعَة : 84

    شوية نكت ع الماشي انا مش مسؤل عن قلبك

    مُساهمة من طرف م/اسلام في 28.06.09 12:35


    تعرف ازاى ان الطيارة اللى طايرة فى الجو هى طيارة الريس ؟
    هتلاقى فى متوسكلين مششين وراها

    عصفورة طايرة فى الجو وقفت فجأه ياترى ليه ؟
    عشان طيارة الريس معديه والاشارة مقفوله

    مرة واحد ظريف عاش في الدور.واحد أظرف منه عاش في الدور اللي فوقه

    قط محشش ماشى بيقول يقطع الحشيش وسنينه هيا كانت "مياو" ولا" نياو

    اتنين مساطيل طينة طلبت معاهم ان اول واحد هيعدى من الشارع يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها

    مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. عملت بامية وامري لله

    مرة واحد ذاكرته ضعيفة ضحك نسى بقه مفتوح

    مره الفلاحين راحوا للرئيس وقالوله احنا عايزين نبقي اشهر من الصعايده
    قالهم شوفوا الصعايده مشهورين بايه واعملوا زيهم
    قالوله هما مشهورين بالغباء
    قالهم خلاص اعملوا حاجه غبيه اوي عشان تبقوا اشهر منهم
    راحوا بنوا كوبري في الصحرا وعملوا كأنهم بيصطادوا
    لقوا الصعايده جيين تحتهم بلانشات

    سئلوا صعيدى : ليه قتلت أبوك
    الصعيدى : كانوا عاملين رحلة للأيتام , كنت عايز اروحها
    المحققين : طب ليه قتلت عمك ؟
    الصعيدى : كنت عايز ابن عمى يسافر معايا
    المحققين : طب ليه كنت عايز تنتحر
    الصعيدى : أصلهم لغوا الرحلة

    واحد صعيدي لمّ قرشين وراح مسافر بلاد بره
    .لما وصل قعد يدورعلى اوتيل ملقاش فنام جنب حديقة سرقوا فلوسه وقصوا كل شعره ..فلما قام
    ملقاش المال فأعد يعيط فحط ايده على راسه ملقاش شعره
    فقال : الحمد لله... مش اناااااا


    مرة واحد اسمه عزوز راح اشتغل صبى عند ميكانيكي ...> وفى يوم قال عزوز لصاحب الورشة أنا اعرف رئيس الحي ....> صاحب الورشة ماصدق ....> لكن بعد يومين فعلا مر رئيس الحي قدام الورشة وسلم على عزوز سلام حار جدا...> صاحب الورشة أعجب بعزوز وشغله أسطى في الورشة ...> وبعد يومين عزوز قال لصاحب الورشة أنا اعرف الوزير!!> قال له : لا صعبة جدا وفعلا بعد يومين مر الوزير قدام الورشة> وسلم على عزوز ......> صاحب الورشة ا تجنن وقال لعزوز : يابنى أنا بزوجك بنتى> وتمسك الورشة مكانى .....> وبعد يومين قال عزوز لصاحب الورشة أنا اعرف بوش ؟؟> ولكن صاحب الورشة قال بلاش تفشخر على ....> عزوز قاله تعالى نسافر وأنا أعرفك ؟؟> وفعلا سافروا أمريكا ووقفوا قدام البيت الأبيض وعزوز قال :> شوف الشباك الأبيض ، راح أطلع بعد شوية أنا وبوش ونقول لك هاى> وفعلا بعـد شويـة عزوز طلع هو وبوش...> وبعد خمس دقائق صاحب الورشة أغمى علية وراح المستشفى !!!> ولما فاق سأله عزوز :- ليه أغمى عليك عشان شفتني أنا وبوش ؟؟؟> صاحب الورشة قال لا....> أنا أغمى علي عشان أنت وبوش واقفين في الشباك عدا من قدامى اثنين> أمريكان يسألوني مين اللي واقف جنب عـزوز ؟؟


    واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ..... وقابل موظف اخر وسأله عن الفراخ المدبوحة ومقطعه
    فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع .....
    طلع الدور الرابع وقابل موظف اخر وقال له عايز فراخ مدبوحة ومقطعه ومكيسة
    فرد الموظف وقال له مافيش فراخ بس ايه رأيك فى النظام


    عقد مؤتمر دولي في فرنسا وكان بعنوان الأتصالات والتكنولوجيا المعاصرة ، فبدأ بالحديث فيلسوف فرنساوي وقال لقد حفرنا تحت برج ايفل ولقينا أسلاك تليفونات وده دليل على انه احنا عندنا التليفونات بقالها اكتر من 100 سنة ، وقام الإيطالي وقال احنا حفرنا تحت برج بيزا ولقينا أسلاك تليفونات وده دليل انه احنا عندنا التليفونات بقالها اكتر من 500 سنة ، وقام البروفيسور العظيم المصري وقال: احنا حفرنا تحت الأهرامات وملقيناش حاجة وده دليل على انه احنا عندنا الموبيلات بقالها اكتر من 7000 سنة

    مرة واحد بلديات نام بالمقلوب صحى رجلو معمصة

    مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها

    --------------------------------------------------------------------------------------------
    ولسه في تاني
    يارب تعجبكوا








    دمعه تائبه : اخت على البالتوك تحكي قصتها مع الاسلام
    مؤثر جدا جدا
    http://www.megaupload.com/?d=9FY4J8YF



    احمد نور
    مدير قسم الصور
    مدير قسم الصور

    ذكر
    الابراج : السمك
    عدد الرسائل : 3486
    العمر : 26
    تاريخ التسجيل : 20/08/2008
    نقاط : 978
    السٌّمعَة : 13
    الاوسمه : الاول

    رد: شوية نكت ع الماشي انا مش مسؤل عن قلبك

    مُساهمة من طرف احمد نور في 28.06.09 17:19

    ههههههههههههههههههههههههههههههههههههههههههههه
    ههههههههههههههههههههههههههههههههههه
    ههههههههههههههههههههه ههههههههههههههه
    ههههههههههههههههههههههه
    ههههههههههه

    حلوين اوى يا سمسم
    يخرب عقلك
    كلهم احلى من بعض
    تسلم ايدك

    opo opo opo opo








    SOMA
    vip

    انثى
    الابراج : الحمل
    عدد الرسائل : 1307
    العمر : 29
    تاريخ التسجيل : 26/07/2008
    نقاط : 157
    السٌّمعَة : 3
    الاوسمه : وسام الابداع

    رد: شوية نكت ع الماشي انا مش مسؤل عن قلبك

    مُساهمة من طرف SOMA في 28.06.09 17:53

    مرة واحد ذاكرته ضعيفة ضحك نسى بقه مفتوح

    حلوا اوي ياسمسم

    doda
    مشرفه قسم الاعضاء
    مشرفه قسم الاعضاء

    انثى
    الابراج : الميزان
    عدد الرسائل : 637
    العمر : 26
    تاريخ التسجيل : 20/08/2008
    نقاط : 31
    السٌّمعَة : 0

    رد: شوية نكت ع الماشي انا مش مسؤل عن قلبك

    مُساهمة من طرف doda في 08.08.09 5:47

    بجد موضوع جاااااااااااااااااااااااااااااااااااااااااااااااامد
    هههههههههههههههههههههههههههههههههههههههههه

      الوقت/التاريخ الآن هو 08.12.16 10:02